तलवारीपलिकडील शिवबा कुणी पाहिलाय का?

तलवारीपलिकडील शिवबा कुणी पाहिलाय का? असत्याचा काळ ठरणारा सत्याची कास धरणारा यवनांना रडवणारा आणि धारातीर्थी मावळ्यांसाठी रडणारा मित्र कुणाला दिसलाय का? कुणब्याघरी भाकरी खाणारा जातीव्यवस्थेवर प्रहार करणारा स्त्रीमुक्तीचा एल्गार पुकारणारा आणि भारतीय लोकशाहीची पायाभरणी करणारा राजा कुणी पाहिलाय का? जुलमी सामंतांचे कान पिळणारा बलात्काऱ्याचे हात कापणारा हिरकणी चा सत्कार करणारा आणि स्वराज्यरक्षक संभाजी सारखा छावा घडवणारा बाप कुणी पाहिलाय का? उद्विग्नतेत अविचल राहणारा विजयांमध्ये स्थिर राहणारा पराभवात स्वाभिमान राखणारा आणि नियतिशी सामर्थ्याने झुंज देणारा असा लढवय्या कुणी पाहिलाय का? मला तुम्हाला विचारायचय खरंच, तलवारीपलिकडील शिवबा कुणी पाहिलाय का? Syncytium 2020 SKNMC & GH